Ny heimeside

Den nye heimesida vår finn du på www.balsnesgard.no!

Bloggen du no er på har vore, og skal framleis vere, ein stad for oss å vise fram oppussingsprosjektet vårt for alle som er interessert! Sjølv om vi har opna hotellet, betyr ikkje det nødvendigvis at all byggeaktivitet vert lagt ned – stadig noko nytt som skjer 😉

Dei nye nettsidene inneheld informasjon om kva vi tilbyr, kven vi er og korleis du kan bestille, i tillegg til mange bilete frå heile huset.

Posta under Ingen kategori | 4 kommentarar

No er vi klare..!

Romma er klare, vi er klare og no er også bileta klare – her kjem nokre smakebitar:

På Kjøkkenloftet går det i turkis-, grå-, blåtonar og kvitt.

Det rosa er det største rommet.

Vårt mest romantiske rom!

Det minste rommet, kalt «brunrommet» er kanskje det mest koselige også.

Vi er spesielt glade for dei gamle stolane våre som har fått nytt liv! Dei på Kjøkkenloftet og på det grønne rommet er pussa opp  med kjærleik av Sperre Møbler i Ålesund. På dei to andre romma er stolane trekt om av Systova på Sandane. Kjekt med gjenbruk!

Balsnes gard er no klare til å ta i mot rombestillingar!

Posta under "Brunrommet", "Grønrommet", "Rosarommet", Kjøkkenloftet | 4 kommentarar

Fotoshoot

Denne veka fotograferer vi på Balsnes gard! Bileta skal brukast til nettsider, brosjyrer og anna marknadsføring. Fantastiske Karina Holmen er ansvarleg for styling, medan den vidunderlige dansken Andreas Mikkel står bak kameraet.

Andreas og Karina – supert team!

Dette biletet er IKKJE teke av Andreas, berre så det er sagt. Men biletet viser at no er det rosa rommet faktisk ferdig bygd og påkledd – og klart for både fotografering og overnatting!

Posta under Design, Gjesterom | Kommenter innlegget

Ein husmordraum anno 1963

Ein finn mykje rart når ein driv og renoverar, ryddar og flyttar. Ein slik ting var den gamle klesrulla til grandtante Borghild. Rulla har stått og støva ned dei siste åra, men har no fått ein ny vår!

Artig apparat! Stapp inn duken, eller kva som helst slags klesplagg som skal bli glatt, den vert rulla og pressa rundt ein sylinder –  og kjem ut god som ny!

Denne er automatisk, må vite.

Resultatet var upåklageleg – ei genial oppfinning..!

Posta under Historie | 4 kommentarar

Kaffistova

Ved sidan av matstova, med inngang frå forstova, ligg eit lite rom som er som skapt for ein frukost for to, ein føremiddagskaffi, eller rett og slett for å sitte med laptopen eller ei god bok. Vi trur at kaffistova kan bli ein favoritt for overnattande gjestar!

Posta under Kaffistova | Kommenter innlegget

Midtsommarbryllaup

Ei heil veke til ende har vi feira bryllaup på Balsnes gard! Tek med eit bilete av festbordet som var dekka til fem rettar. Vi ønskjer brudeparet til lukke med kveitebrødsdagane 🙂

Posta under Opplevingar | Kommenter innlegget

Søte draumar på mjuke puter

No står endeleg fire doble sengar klare til å ta i mot gjestane våre. Denne står på det brune rommet.

Posta under "Brunrommet", Design, Gjesterom, Loft, Møblar, Tapet | Kommenter innlegget

Utan mat og drikke..!

Balsnes gard har fått tre strålande kokkar med på laget når vi opnar denne sommaren: Bente Iren Vonheim, Yngve Dalseth og Runar Gudmundson. Fredag 1. juni var vi samla alle for å teste menyforslag og vinar.

Torsk er ei nydeleg råvare som heilt sikkert kjem til å stå på menyen. Her servert med sitronsmørsaus og grønnsaker.

Vi viser enno ein smakebit frå testkvelden vår: røykelakssalat. I løpet av sommaren fastset vi menyen med tilhøyrande vinar. Den som ventar på noko godt..!

Posta under Kjøkken, Mat | 2 kommentarar

Eitt, to, tre, fire ferdig flislagte bad

Gleda er stor når vi kan krysse av for nok ein merkedag: alle bada knytt til hotellromma er ferdig flislagt! Mange tilpassingar, skråtak, hjørner og vinklar har nok gitt flisleggaren nokre ekstra grå hår, men vi er veldig fornøgd med resultatet.

Til det brune rommet.

Bad til det brune rommet sett frå vindauget.

Kjøkkenloftet.

Badet til kjøkkenloftet, sett frå vindauget. Alle fire bada har dusj, vask og wc.

Det minste badet, og det mest sjarmerande, er det som høyrer til det grøne rommet.

Vi gler oss sjølvsagt til å få montert dusj, toalett og vask.

Det største – og det mest rettvinkla, finn ein på det rosa rommet.

Alle bada har like fliser; 7,5 x 15 cm på veggane og 20 x 20 på golvet. Flisene er kjøpt hos FagFlis i Ålesund.

Vi er evig takknemlig overfor Jazek hos Fenix Bygg i Oslo som har gjort ein framifrå jobb!

FagFlis i Ålesund.

 

Posta under "Brunrommet", "Grønrommet", "Rosarommet", Bad, Design, Flis, Gjesterom, Kjøkkenloftet, Loft | Kommenter innlegget

Kjølerom: check

Der det tidlegare har vore spiskammers har vi no fått ordna oss kjølerom. Kjekt å ha!

Før…

… og etter.
Golv: vinylfliser som på kjøkkenet. Tak og veggar: våtromsplater. Her blir det plass til masse hyller!

Posta under Kjøkken, Mat | Kommenter innlegget

Takkar og bukkar..!

Vi feirar klikk nr. 20 000 på Balsnes gard-bloggen! Tusen takk til alle som har vore innom sidan sidan starten i november 2010! Dagens bilete er henta frå eit av småtoaletta.

Ny tapet mot gammal vegg.

Akkurat passe stort..! (Fotografen gløymde dessvere å ta bort såpebehaldaren før biletet vart tatt).

Tapetet er henta frå kolleksjonen»Pip Wallcoverings» frå Eijffinger.

Sett frå gangen.

Eijffinger: Pip Wallcoverings

Posta under Bad, Design, Gang, Tapet | Kommenter innlegget

Kurs- og møterom

Det gamle saghuset har vi bygd om slik at ein kan vere frå 2 – 20 personar på møte og kurs.

Rommet har eigen utgang til terrassen, og biletet er tatt ved denne. I enden av rommet, der spegelen står no,  monterer vi topp moderne utstyr for møteverksemd.

Dette biletet er tatt frå andre enden av rommet. Borda er under produksjon, og kan anten plasserast i klasseromoppsett eller settast saman til eit stort møtebord.

I møterommet kan ein jobbe uforstyrra så lenge ein ynskjer, då rommet kan skiljast av frå resten av kjellaren. Toalett finn ein rett bak veggen med spegelen, og treng ein å strekke på beina kan ein gå rett ut på terrassen. På kalde vinterdagar fyrer vi i omnen – men ein skal ikkje fryse, sidan vi har montert vannboren varme i golva.

Det er viktig med godt arbeidslys! Vi har valgt den same løysinga som på kjøkkenet; fjøslampar frå bygningsvernbutikken Molo i Oslo. Lyset kan dimmast ved behov.

Molo AS

Posta under Design, Flis, Kjellar, Kurs- og møterom, Oppvarming, Saga | 2 kommentarar

Bakstebordet

Eller bakebordet, om du vil, har fått nytt liv i Smia. Etter ein god runde med grønsåpevatn og skurekost festa vi det til det nye understellet sitt. Fungerer supert som langbord!

Kor gammalt bordet faktisk er, er det vel ingen som veit, men at det er baka mange brød, flatbrød og lefser på det er heilt sikkert! Stolane har farfar laga i si tid og passar fint til bordet.

Posta under Design, Kjellar, Møblar, Smia | Kommenter innlegget

Kontrastar, kontrastar, kontrastar…

Her ein dag kom eg over nokre bilete av kjellaren og det som vi kallar «Smia», tekne vinteren 2010. For ikkje lenge sidan kunne vi ta i bruk dette rommet og reisa har vore formidabel!

Smia er så godt som ferdig og møblane finn sine plassar. Denne Chesterfild-sofaen er vi ekstra glade i og vi er fornøgde med at han glir inn i miljøet. Bordet og lampane har vi kjøpt frå Nordal og teppet har vi fått frå Fretex.

Dette biletet er teke på nesten same staden som biletet over – forandringa er ganske stor…

Posta under Design, Kjellar, Møblar, Oppussing, Smia | Éin kommentar

Snart sommar!

Om ikkje lenge kan vi sitte i solveggen og kose oss med ein kaffikopp og sjå ned på Nordfjorden! Midtsommars går ikkje sola ned før seint på kvelden. Mmm..!

Posta under Fasade, Kjellar, Opplevingar, Ute | Kommenter innlegget

Ein hjort finn sin plass

Vi har jobba ein del med Forstova i det siste. Fliser er lagt, veggar er måla og i trappehuset ned til kjellaren har vi satt inn to gamle vindauger. Skimtar du hjorten?

Litt ute inne! Når vi i tillegg får lister og "ordentlig" trapp på plass er Forstova så og seie ferdig..!

Denne bukken vart skoten på Balsnes 9. oktober i 2009 og har fått sin naturlege plass over trappa ned til kjellaren.

Geir og Helge H. er dei stolte jegrane. Flott eksemplar av sorten!

Posta under Aktivitetar, Fargar, Flis, Forstove, Historie, Trapp | Éin kommentar

Golv i Smia

Gleda var stor den dagen flisegolvet i Smia var ferdig lagt! Ein stor milepel..! Alle golva i kjellaren skal få dei same flisene, noko vi trur blir veldig bra.

Flisene er brun/grå og er 60 x 60 cm store. Dei er levert av FagFlis i Ålesund.

Vi berre måtte teste ut med eit teppe, bord og stolar for å få rin følelse av korleis det KAN bli når vi får inn dei møblane vi har tenkt.

FagFlis

Posta under Fargar, Flis, Kjellar | Kommenter innlegget

Eit steg fram og to tilbake

Det er ikkje alltid at vala vi tek er dei beste, og nokre gonger må vi revurdere både fargar, utforming og kanskje endre heilt retning.

På Kjøkkenloftet vart den grå veggen måla i N-5000, men dette vart nok ein smule for mørkt. Vi testa med N-2000, N-3000 og N-4000 og har landa på 4000 (øverst).

Også i Forstova har vi endra farge. Lafteveggen var tenkt å få ein kraftig blåfarge, men denne viste seg å krangle skikkeleg med golvet. Difor måtte vi fram med gråfargen att, her skifta vi til N-2000.

 

Posta under Fargar, Forstove, Kjøkkenloftet, Tapet | Kommenter innlegget

Etterlysing!

Vi treng 50 slike stolar! Kjenner du til ein skule, eit forsamlingshus, eller kven som helst som kan ha slike stolar ståande? Ikkje nøl med å ta kontakt: terese(@)balsnesgard.no

Kanskje har du sete på ein slik ein på basar i samfunnshuset?

Posta under Design, Møblar | Kommenter innlegget

Eit tapet – tapetet – tapet – tapeta

Ein lærer så lenge ein lever, osv! Eg har konsekvent skrive ein tapet på bloggen her, men fann akkurat ut at det er eit inkjekjønnsord og difor har ei heilt anna bøying… Eg ber om orsaking for alle skrivefeil og kompenserar heller med litt nynorskundervisning. Hehe.

I alle fall: Då er alle hotellromma ferdig tapetsert!

På kjøkkenloftet heng denne; "Shadow Floral" av Florence Broadhurst.

Botnen er sølv og mønsteret er turkis/blå.

På "grønrommet" heng dette nostalgiske tapetet; "Clandon", Cole & Son

Sjølv om tapeta er rimelig ulike, så er eit fellestrekk blomemønster. Blomar går også igjen i den private delen.

Posta under "Grønrommet", Design, Fargar, Gjesterom, Kjøkkenloftet, Loft, Privat, Tapet, Visperommet | Kommenter innlegget

Skråloftet

Dette rommet ligg ved sidan av det det brune rommet og var opphaveleg tenkt til barnerom/enkeltrom. På grunn av den tidlegare omtala branntrappa, må vi altså finne andre bruksområde for det vesle skråloftet.

Tapetvegg til høgre - før han vart tapetsert.

Eit relativt langt, men smalt rom.

Det vart ganske lunt når tapeten kom på veggen

Og slik ser mønsteret ut på nært hald. Det heiter "New Classic" og kjem frå BoråsTapeter.

Posta under Design, Loft, Skråloftet, Tapet | Kommenter innlegget

Kjøkkenloftet

Kjøkkenloftet ligg rett over… kjøkkenet, midt i huset. Dette er det største rommet og det med best utsikt. Brudesuiten..?

Blåfargen er tilnærma lik den fargen som var på veggane før vi starta renoveringa.

Veggen til venstre skal tapetserast og i hjørnet til høgre skal det inn ein rundovn.

Tapeten er ein "Signature Print" av den australske kustnaren Florence Broadhurst. Mønsteret heiter "Shadow Floral". Dette biletet er ein illustrasjon.

Sett frå "tapetveggen". Døra går inn til badet og ut av vindauget ser ein ned på Nordfjorden.

Posta under Design, Fargar, Gjesterom, Kjøkkenloftet, Loft, Tapet | Kommenter innlegget

Slik vart tapetane

På det brune rommet...

...og på det rosa rommet!

Posta under "Brunrommet", "Rosarommet", Design, Fargar, Loft, Tapet | Éin kommentar

Blått eller blått?

Av og til må ein berre sjå fargen der han skal vere før ein bestemmer seg. Det vert den nederste.

Posta under Fargar, Forstove, Gang, Tilbygg | Kommenter innlegget

Ein sniktitt på forstova

Flisgolvet i gjestegangen, eller forstova,  vart lagt i romjula, men har vore dekka av material, øskjer med utstyr og diverse – vanskeleg å ta bilete av… I dag nytta eg imidlertid høvet, før det vart dekka til igjen. Vi vil absolutt unngå at det vert grisa til når veggane no skal målast.

Sett frå inngangsdøra. Nedgang til kjellaren i framgrunnen til høgre. Den kvite døra kjem frå Målselv i Troms, og hos oss fører den inn til kjøkkenet.

Mønsteret er det same som i den private gangen, men med blått i staden for svart.

Trappegangen ned til kjellaren er ny, men det skal setjast inn to originale vindauger frå gamle Balsnes i veggen.

Fagflis i Ålesund har leverer desse flisene.

Posta under Dører, Design, Fargar, Flis, Forstove, Gang, Tilbygg, Vindauge | 2 kommentarar